وفاقي ڪابينا جو اجلاس: فلسطين لاءِ امدادي سامان موڪلڻ جي منظوري
وفاقي ڪابينا فلسطين جي لاءِ امدادي سامان موڪلڻ جي منظوري ڏئي ڇڏي. وزيراعظم عمران خان جي صدارت هيٺ وفاقي ڪابينا جو اجلاس ٿيو جنهن ۾ ڪابينا فلسطين جي لاءِ امدادي سامان موڪلڻ جي منظوري ڏئي ڇڏي. اجلاس ۾ وزيراعظم جي سعودي عرب واري دوري تي به ڳالهيون ڪيون ويون ۽ فلسطين جي موجوده صورتحال تي به ڳالهيون ڪيون ويون. ڪابينا گڏيل قومن جي چئن گاڏين کي پاڪستان جي رستي ڪابل کڻي وڃڻ جي به منظوري ڏني. وفاقي ڪابينا جي اجلاس ۾ پاڪ چين سفارتي لاڳاپن جا 70 سال مڪمل ٿيڻ تي يادگاري سڪو جاري ڪرڻ جي به منظوري ڏني وئي.
