کنڊ جي بحران لاءِ سنڌ ذميدار آهي: وفاق

سڌ سماءَ جي وفاقي وزير فواد چوڌري چيو آهي ته گهڻي ڀاڱي شگر ملون نواز شريف ۽ آصف زرداري جون آهن. پريس ڪانفرنس ڪندي فواد چوڌري چيو ته ماضي جي حڪومت 23 ملين ڊالر قرض ورتو. هن سال اسان کي 10 ارب ڊالر قرض واپس ڪرڻو پيو. جڏهن ته ايندڙ سال 12 بلين ڊالر قرض واپس ڪرڻو آهي. کنڊ بحران تي سندس چوڻ هو ته 9 هزار ٽن کنڊ پيدا ڪندڙ انڊسٽري آهي ۽ 6 هزار ٽن عوام کي گهرجي. هاڻ ڪرشنگ به نه پئي ڪري. ان موقعي تي خوراڪ جي تحفظ بابت وزير فخر امام چيو ته کنڊ جو هٿرادو بحران پيدا ڪري عام ماڻهو کان ناجائز فائدو ورتو پيو وڃي. 15 نومبر کان پنجاب ۾ ڪمند جي ڪرشنگ شروع ٿي ويندي.