ڪورونا ايس او پيز تي عمل نه ڪرڻ سبب 22 تعليمي ادارا بند
ڪورونا ايس او پيز تي عملدرآمد نه ڪرڻ تي 22 تعليمي ادارن کي بند ڪيو ويو آهي. سڄي ملڪ ۾ تقريبن 7 مهينن کانپوءِ تعليمي ادارا کوليا ويا آهن، پر حڪومت طرفان ڪورونا وائرس کي پکيڙڻ کان روڪڻ لاءِ ايس او پيز به جاري ڪيا ويا آهن ۽ ان تي عملدرآمد نه ٿيڻ تي سخت ايڪشن کنيو پيو وڃي. نيشنل ڪمانڊ اينڊ ڪنٽرول سينٽر جي مطابق سڄي ملڪ ۾ گذريل 48 ڪلاڪن دوران ڪورونا ايس او پيز تي عملدرآمد نه ڪرڻ تي ٻاويهن تعليمي ادارن کي بند ڪيو ويو آهي. اين سي او سي مطابق خيبر پختونخواهه ۾ 16، اسلام آباد ۾ هڪ ۽ آزاد ڪشمير ۾ پنجن تعليمي ادارن کي بند ڪيو ويو آهي.
