سوشل ميڊيا تي ٽرگر مڇي جي تصوير وائرل ٿي آهي جنهن جا چپ ۽ ڏند انسان جهڙا آهن

تصوير ۾ مڇي جا چپ ۽ ڏند انسانن وانگر نظر اچن ٿا، پر حقيقت ۾ ڪا اهڙي مڇي اصل ۾ موجود ناهي يا گهٽ ۾ گهٽ جيئن تصوير ۾ ڏنل آهي تيئن هوبهو نه آهي. مڇي جي اها تصوير هڪ ٽوئيٽر صارف raff_nasir طرفان 2 جولاءِ تي شيئر ڪئي وئي، پر اربع ڏينهن هڪ برطانوي ويب سائيٽ دي مرر طرفان شايع ٿيل رپورٽ مان وائرل ٿي وئي. رپورٽ ۾ ڪنهن ماهر سان رابطو نه ڪيو ويو، پر اها دعويٰ ڪئي وئي ته اها مڇي جي هڪ حقيقي نسل آهي جنهن کي ٽرگر مڇي سڏيو ويندو آهي. ڪيتريون ئي ٻيون رپورٽون مڇي کي دنيا جي مختلف سمنڊن ۾ مليل هڪ حقيقي ٽرگر مڇي قرار ڏنو آهي. آسٽريليا يونيورسٽي آف ٽيڪنالاجي جي هڪ سامونڊي بائيولاجسٽ ڊيوڊ بوٿ مطابق مڇي جا هي قسمَ عظيم بيريئر ريف ۾ غوطا لڳائيندا آهن. انهن جا تمام وڏا ڏند هوندا آهن جيڪي هٿ جون آڱريون ڌار ڪري سگهندا آهن. ڊيوڊ بوٿ چيو هن مڇي جا وڏا ڏند ضرور هوندا آهن، پر انسانن وانگر نه هوندا آهن، ان ڪري وائرل تصويرون جعلي آهن. سائنسدانن جو چوڻ آهي ته جيڪڏهن تصوير حقيقي مڇي وانگر نه هجي ته پوءِ هن وائرل واري تصوير کي اصل نه مڃيو وڃي.