ڊاڪٽر عبدالقدير جو مراد علي شاهه کي آخري خط

ايٽمي سائنسدان ڊاڪٽر عبدالقدير خان سنڌ جي وڏي وزير سيد مراد علي شاهه کي آخري خط لکيو. خط جي متن موجب ڊاڪٽر عبدالقدير خان گُل موڪلڻ تي سيد مراد علي شاهه جا ٿورا مڃيا ۽ چيو ته منهنجي طبيعت هاڻ بهتر آهي. مون کي خوشي آهي ته منهنجي صوبي جي وڏي وزير مون کي ياد ڪيو. هن چيو ايئن لڳي ٿو ته ڄڻ وزيراعظم ۽ بلوچستان، خيبر پختونخواهه ۽ پنجاب جا وڏا وزير منهنجي مرڻ جي سٺي خبر ٻڌڻ جو انتظار ڪري رهيا آهن. سندس چوڻ هو ته وزيراعظم سميت منهنجي ڪنهن به سار نه لڌي. هن ڏکئي وقت ۾ ياد رکڻ تي سنڌ جي وڏي وزير جو ٿورائتو آهيان.