اسٽريٽ ڪرائم جي روڪٿام لاءِ ڪمانڊوز کي موٽرسائيڪل اسڪواڊ سان گڏ مقرر ڪرڻ جو فيصلو
ڊي آءِ جي سيڪيورٽي ڊاڪٽر مقصود احمد شھر جي مختلف ڪرائم ھاٽ اسپاٽس تي مقرر ايس ايس يو ڪمانڊوز جي ھيڊڪوارٽر کان روانگي جي موقعي تي خطاب ڪندي چيو ته شھرين جي مال ۽ جان جو تحفظ اسان جي پھرين ترجيح آھي. شھرين کي پيشاوراڻيون خدمتون فراھم ڪرڻ جو ھي بھترين وقت آھي. ھن وڌيڪ چيو ته ايس ايس يو ڪمانڊوز کي ھن ڳالھ تي فخر محسوس ڪرڻ گھرجي ته سينئر آفيسرن ۽ حڪومت ھڪ دفعو ٻيھر اسٽريٽ ڪرائمز جي وارداتن ۾ اضافي کي منھن ڏيڻ لاءِ انھن تي اعتماد جو اظھار ڪيو آھي. ڊي آءِ جي سيڪيورٽي ڪمانڊوز کي ھدايت ڪئي ته ھو ڏوھاري ماڻھن کي سختي سان منھن ڏين، جڏھن ته ڊيوٽي دوران شھرين سان شائستگي ۽ نرمي سان پيش اچن.
