مون پگهر گهُريو، پر جوانن رت ڏنو، اُن ڪري ته اڄ مُلڪ محفوظ آهي: اڳوڻو آرمي چيف

اڳوڻي آرمي چيف رٽائرڊ جنرل قمر جاويد باجوا جي ايڇ ڪيو ۾ ٿيل الوداعي تقريب کي خطاب ڪندي چيو آھي ته ايل او سي هجي يا دهشتگرديءَ خلاف جنگ، فوج هميشه منهنجي آواز کي لبيڪ چيو، مون پگهر گهُريو، پر جوانن رت ڏنو، اُن ڪري ته اڄ مُلڪ محفوظ آهي. ويجھڙ ۾ گمنامي ۾ هليو ويندس، پر فوج سان روحاني رشتو هميشا قائم رهندو، نئون آرمي چيف جنرل عاصم منير باصلاحيت آهي، سندس مقرري ملڪ ۽ پاڪ فوج لاءِ انتهائي مُثبت ثابت ٿيندي.