روزگار لاءِ ٻاهر ملڪ ويندڙ پاڪستانين ۾ 3 سيڪڙو اضافو
غير يقيني معاشي ۽ سياسي صورتحال، مهنگائي ۽ بيروزگاري کان پريشان لکين نوجوان رزق جي ڳولها ۾ سمنڊ پار هليا ويا. روزگار جي حصول لاءِ بيرون ملڪ ويندڙ پاڪستانين جي انگ ۾ 3 سيڪڙو واڌ ٿي وئي آهي. هلندڙ سال 7 لک 65 هزار نوجوان روزگار حاصل ڪرڻ لاءِ پاڪستان ڇڏي ويا. ٻاهرئين ملڪ ويندڙ ماڻهن ۾ ڊاڪٽر، انجنيئر، آءِ ٽي جا ماهر، اڪائونٽنٽس، ايسوسئيٽ انجنيئر، استاد ۽ نرسون شامل آهن. 92 هزار کان وڌيڪ اعليٰ تعليم يافته ماڻهو به پرڏيهه وڃي وسيا.
