وزيراعظم ملڪي برآمدات ۾ گهٽتائي جو نوٽيس وٺي ڇڏيو

وزيراعظم وزير تجارت نويد قمر جي سربراهي ۾ ڪميٽي تشڪيل ڏئي برآمدات ۾ اضافي لاءِ ان مان 14 ڏينهن ۾ سفارشون طلب ڪري ورتيون. ڪميٽي ۾ گورنر اسٽيٽ بينڪ، سيڪريٽريز تجارت ۽ خزانو، چيئرمين نشاط چونيان شهزاد سليم، سي اِي او انٽرلوپ مصدق ذوالقرنين شامل آهن. واضح رهي ته گذريل مالي سال جولاءِ کان ڊسمبر برآمدات ۾ 5.79 سيڪڙو گهٽتائي ٿي. ڊسمبر ۾ ساليانو بنيادن تي برآمدات ۾ 16.64 سيڪڙو ۽ ماهوار بنيادن تي 3.64 سيڪڙو گهٽ ٿي.