پ پ جي باني ۽ اڳوڻي وزيراعظم شهيد ذوالفقار علي ڀٽو جي اڄ 44هين ورسي ملهائي پئي وڃي
پاڪستان پيپلز پارٽي جي باني ۽ اڳوڻي وزيراعظم شهيد ذوالفقار علي ڀٽو جي اڄ 44 ورسي ملهائي پئي وڃي. پ پ جي باني ۽ چيئرمين ذوالفقار علي ڀٽو جي 44هين ورسي جي موقعي تي اڄ سڄي سنڌ ۾ عام موڪل جو اعلان ڪيو ويو آهي. پاڪستان جي گڏيل آئين جي جوڙجڪ، آئين جو قيام، ايٽمي پروگرام جي بنياد رکڻ ۽ سياست کي اشرافيه مان ڪڍي عوام تائين پهچائڻ، اسلامي ملڪن جو اتحاد. ذوالفقار علي ڀٽو جا اهي ڪارناما آهن جن کيس اڄ تائين زنده رکيو آهي. ذوالفقار علي ڀٽو کي قتل جي هڪ ڪيس ۾ 1979ع تي اڄوڪي ڏينهن ڦاهي ڏني وئي هئي. ذوالفقار علي ڀٽو جي ورسي جي موقعي تي اڳوڻي صدر آصف علي زرداري پنهنجي پيغام ۾ چيو آهي ته پاڪستان ۽ 1973ع جو آئين ذوالفقار علي ڀٽو جي امانت آهن. شهيد ذوالفقار علي ڀٽو کي ڏنل ڦاهي تاريخ عدالتي قتل قرار ڏئي چڪي آهي. 10 سال گذرڻ باوجود سپريم ڪورٽ اڃان تائين ڪابه راءِ ناهي ڏني.
