شاهه محمود قريشي خلاف درج ڪيسن جا تفصيل سڀاڻي تائين طلب ڪيا ويا
پي ٽي آئي رهنما شاهه محمود قريشي طرفان ڪيسن جا تفصيل فراهم ڪرڻ جي درخواست جي ٻڌڻي لاهور هاءِ ڪورٽ ۾ ٿي جنهن ۾ جسٽس علي جعفر نقوي هن جي خلاف داخل ڪيسن جا تفصيل طلب ڪري ورتا ۽ حڪم ڏنو ته سڀاڻي تائين ٻڌايو وڃي ته هن جي خلاف ڪيترا ڪيس داخل آهن. ڪيسن جي تفصيل جي حصول لاءِ داخل ڪيل درخواست ۾ موقف اختيار ڪيو ويو آهي ته شاهه محمود قريشي کي ٿري ايم پي او جي تحت نظر بند ڪيو ويو آهي، جڏهن ته عدالت شاهه محمد قريشي جي عبوري ضمانت منظور ڪري چڪي آهي. درخواست ۾ وڌيڪ چيو ويو ته عبوري ضمانت جي باوجود ٿري ايم پي او جي تحت هن کي ٻيهر نظربند ڪيو ويو آهي.انهيءَ تي عدالت شاهه محمود قريشي جي خلاف داخل تمام ڪيسن جا تفصيل فراهم ڪرڻ جو حڪم ڏنو.
