تيزاب گردي جي مجرم کي 60 سالن جي قيد جي سزا

لاهور عدالت تيزاب گردي جي مجرم کي 60 سالن جي سزا ٻڌائي ڇڏي. ان کان علاوه هو ڇوڪري کي 39 لک رپيا به ادا ڪندو. عصمت الله پنهنجي پراڻي مڱيندي جي چهري تي تيزاب هاريو هو. ڇاڪاڻ ته هن مڱڻي ٽوڙي شادي کان انڪار ڪيو هو. عدالت پاران ڪيس کي دهشتگردي جي شق تحت هلايو ويو. ان کان علاوه ڪجهه چارجز پاڪستان پينل ڪوڊ تحت لڳايا ويا هئا. هي سزا دهشتگردي جي قانون تحت 25 سالن جي آهي ان کان علاوه 10 سالن جي سزا پينل ڪوڊ تحت ڏني وئي  آهي ڊاڪٽر موجب حملي ۾ 24 سالن جي ڇوڪري جو چهرو ته خراب ٿي ويو آهي ان کان علاوه ان جون اکيون به ختم ٿي ويون آهن.