پيٽرول جون بوتلون لڙڪائي رڪشا هلائڻ وارن خلاف مهم شروع

ملير ضلعي جي پوليس جمعي کان پيٽرول جون بوتلون لڙڪائي رڪشا هلائڻ وارن جي خلاف باقائده مهم شروع ڪري ڇڏي. گذريل ڏينهن دوران بلال ڪالوني ٿاڻي جي حد نارٿ ڪراچي پاور هائوس چورنگي جي ويجهو هاءِ روف ۽ رڪشا ۾ لڳڻ واري باهه جي نتيجي ۾ 9 ماڻهو سڙي فوت ٿي ويا ۽ ٻن ماڻهن جي زخمي ٿيڻ جي افسوسناڪ واقعي کانپوءِ ضلعي ملير پوليس پاران بوتل ۾ پيٽرول لڙڪائڻ وارن رڪشا ڊرائيورن خلاف ڀرپور ڪارروائي شروع ڪئي وئي آهي. ان دوران هڪ ڊزن کان وڌيڪ رڪشائن مان پيٽرول جون بوتلون ضبط ڪيون ويون آهن هن خصوصي مهم ۾ ڪنهن سان به رعايت يا نرمي نه ڪئي ويندي.