ڊاڪٽر سيف الرحمان ڪراچي ايڊمنسٽريٽر طور عهدو سنڀالي ورتو
ڊاڪٽر سيف الرحمان شهر قائد جي نئين ايڊمنسٽريٽر طور چارج سنڀالي ورتو. ترجمان مطابق ايڊمنسٽريٽر جو ڪي ايم سي بلڊنگ پهچڻ تي آفيسرن شاندار استقبال ڪيو. هن موقعي تي ايڊمنسٽريٽر ڪراچي سيف الرحمان جو چوڻ هو ته ڪي ايم سي جي انتظام هيٺ روڊن جي بحالي منهنجي پهرين ترجيح آهي، پارڪس ۽ گرين بيلٽ کي درست ڪيو ويندو. سندس چوڻ هو ته فٽ پاٿن تان قبضن جو خاتمو ڪيو ويندو ۽ شهر کي وڌيڪ خوبصورت بنائڻ لاءِ ڪم ڪنداسين. اڳوڻي ايڊمنسٽريٽر بابت سيف الرحمان چيو ته مرتضيٰ وهاب شهر جي بهترين خدمت ڪئي سندس ئي نقش قدم تي هلڻ جي ڪوشش ڪندس.
