ورلڊ ڪپ ۾ مراڪش هٿان شڪست کانپوءِ بيلجيم ۾ فسادن جو سلسلو شروع ٿي ويو
فيفا ورلڊ ڪپ ۾ مراڪش هٿان شڪست کانپوءِ بيلجيم جي راڄڌاني برسلز ۽ ٻين شهرن ۾ هڙتالون شروع ٿي ويون. گذريل ڏينهن قطر ۾ جاري فيفا ورلڊ ڪپ جي گروپ ايف جي ميچ ۾ مراڪش بيلجيم کي 2 صفر تان شڪست ڏئي ٽورنامينٽ ۾ هڪ ٻيو اپ سيٽ ڪيو هو. ميچ هارجڻ کان پوءِ بيلجيم جا حامي گادي واري هنڌ تي روڊن تي نڪري آيا، ڪيترن ئي ناراض ماڻهن ڪارن کي اونڌو ڪري کين باهه ڏئي ڇڏي. مشتعل مظاهرين گاڏين تي پٿراءُ ڪيو، پوليس ميڙ کي منتشر ڪرڻ لاءِ ڳوڙها آڻيندڙ گيس ۽ واٽر ڪينن جو استعمال ڪيو ۽ 12 کان وڌيڪ ماڻهن کي حراست ۾ ورتو. جهيڙي ۾ ٻه پوليس اهلڪار پڻ زخمي ٿي پيا.
