آمريڪا پنهنجو ئي ڊرون تباه ڪيو آهي، ايران
ايران جي نائب پرڏيهي وزير عباس عراقجي دعويٰ ڪئي آهي ته آبناءِ هرمز ۾ اسان جو ڪوبه بنا پائليٽ جهاز تباه نه ٿيو آهي. هن خدشو ظاهر ڪيو آهي ته آمريڪا پنهنجو ئي ڊرون ڪيرايو هوندو. واضح رهي ته گذريل رات آمريڪا جي صدر وائٽ هائوس ۾ ميڊيا سان ڳالهائيندي چيو هو ته ايران آمريڪا جي بحري فوج جي ٻيڙي کي ڌمڪيون ڏيندر ڊرون کي آمريڪي بحريا ڪيرائي ڇڏيو آهي. جنهن بعد ايران جي نائب پرڏيهي وزير ٽئٽر تي هڪ بيان ۾ چيو هو ته اسان جو ته ڪو به ڊرون نه ڪيرايو ويو آهي. مونکي فڪر آهي ته آمريڪا غلطيءَ ۾ پنهنجو ئي ڊرون تباه ڪري ڇڏيو آهي. جنهن جي ثابتي اهي پاڻ ئي ڏيندا.
