آمريڪا جي صدر پاران ترڪي تان پابنديون هٽائڻ جو اعلان

آمريڪا جي صدر چيو آهي ته ترڪي اتر شام ۾ فوجي آپريشن کي روڪي مستقل جنگ بندي تي راضي ٿي ويو آهي ۽ ان ئي سبب ڪري ترڪي تي لڳايل پابنديون هٽايون وينديون. آمريڪا جي صدر اهو به چيو آهي ته اهي پابنديون ايستائين هٽايل رهنديون جيستائين ڪو اهڙو ڪم ڪيو وڃي جنهن سان اسان ناراض ٿي وڃون. واضح رهي ته ترڪي پنهنجي سرحدي علائقي تي شام جي پناهه گيرن لاءِ محفوظ مقام ٺاهڻ چاهي ٿو. ان ڪري ئي ترڪي ڪردن کان علائقو خالي ڪرائڻ لاءِ آپريشن شروع ڪيو آهي. ان ڪارروائي سبب ئي آمريڪا ترڪيءَ مٿان اقتصادي پابنديون لڳايون هيون.