سي پيڪ ۾ ڪير به شامل ٿي سگهي ٿو: چين جو سفير
چين جي سفير يائو چنگ جو چوڻ آهي ته سي پيڪ معاشي ۽ ڪمرشل منصوبو آهي جنهن ۾ ڪو به ملڪ شامل ٿي سگهي ٿو. خبر موجب چين جو سفير بلوچستان هائوس پهتو جتي هن برساتن سبب متاثر ٿيندڙن لاءِ گورنر بلوچستان جسٽس رٽائرڊ امان الله خان کي امدادي چيڪ ڏنو. هن موقعي تي بلوچستان جي گورنر چيو ته هاڻوڪين برساتن سبب بلوچستان ۾ گهڻو نقصان ٿيو آهي ۽ امدادي مان بلوچستان وارن جي وڏي مدد ٿيندي. چين جي سفير چيو ته سي پيڪ کانپوءِ بلوچستان خاص توجهه حاصل ڪئي آهي. بيجنگ ڪانفرنس ۾ بلوچستان جي سڀني قومپرست رهنمائن شرڪت ڪئي جنهن تي انهن جو شڪرگذار آهيان.
