ڏهرڪي ۾ ايليمنٽري لوئر سيڪنڊري اسڪول جا ٻار زمين تي ويهي تعليم پرائڻ لڳا

ڏهرڪي ڀرسان ڳوٺ ٽڳ جي ايليمنٽري لوئر سيڪنڊري اسڪول جا 400 ٻار فرنيچر نه هجڻ سبب زمين تي ويهي تعليم پرائڻ تي مجبور آهن. اُن کان اڳ ڏهرڪي ۾ درسي ڪتاب ٻارڙن کي ڏيڻ بدران ڪٻاڙ جي دڪان تي وڪرو ٿيڻ جو اسڪينڊل سامهون آيو هو. درسي ڪتابن واري مامري کانپوءِ جاچ ڪميٽيون به جوڙيون ويون آهن. ايليمنٽري لوئر سيڪنڊري اسڪول جي شاگردياڻين ۽ شاگردن فرنيچر جي کوٽ خلاف احتجاج پڻ رڪارڊ ڪرايو آهي. شاگرن جو چوڻ آهي ته  اسڪول ۾ فرنيچر، بجلي ۽ پيئڻ جي پاڻي جي کوٽ آهي، نوٽيس  وٺي مسئلا حل ڪيا وڃن.