سنڌ، زرخيز زمين ۽ مالا مال ثقافتي ورثي جي ڌرتي، پنهنجي سخاوت واري فطرت ۽ انسانيت جي خدمت لاءِ مشهور آهي. سنڌ ۾ ڪيترن ئي سماجي ڪم ڪندڙن پنهنجي رحمدلي ۽ سماجي جي ڀلائيءَ لاءِ اهڙا ڪم ڪيا آهن، جن اسان جي بيٺل سماج اندر تمام وڏي تبديلي پيدا ڪئي. جن ۾ حيدرآباد ۾ موجود نور محمد هاءِ اسڪول نسلن جي تعليم ۾ حصو ورتو، شاگردن کي اعليٰ تعليم ۽ ڪيريئر ۾ اڳتي وڌڻ جو موقعو ڏنو. سنڌ جي زمين نه صرف فصلن کي پروان چڙهائي ٿي، پر سخاوت جي ثقافت کي پڻ فروغ ڏئي ٿي. هتي جي انسان دوست جي سخاوت زندگي بدلائڻ، سماجي برابري گهٽائڻ ۽ مستقبل جي نسلن کي انسانيت جي خدمت ڪرڻ لاءِ متاثر ڪرڻ جاري آهي. هڪ اهڙو انسان جنهن جي پيدائش ڳوٺ قيصر خان راڄڙ ۾ 6 جون 1973 تي ميرپورخاص جي زميندار محمد صالح راڄڙ جي گهر ۾ ٿي. پاڻ بي اِي سول آهي، هن شخص کي هڪ سياح چوان يا هڪ عجيب زميندار چوان جنهن پنهنجي 1200 ايڪڙ زمين تان هارپو ختم ڪري پنهنجن هارين ۽ غريب ماڻهن کي ڏھ ڏھ ايڪڙ زمين جا ٽڪر مقاطعي تي ڏنا، جن جا پئسا هو هر ڇهين مهيني فصل لهڻ کانپوءِ وٺندو آهي. سياح جي صورت ۾ دنيا جا مختلف ملڪ گھميا اٿس, اتان جي معلومات جو وٽس وڏو ذخيرو موجود آهي. کيس سنڌي سان گڏ اردو، انگريزي ۽ روسي زبانن جي به ڄاڻ آهي. هي دوستن جو دوست ۽ سچو انسان آهي، جنهن جا دروازا نادارن ۽ غريبن لاءِ هردم کليل هوندا آهن. سندس گهر جي وسيع دسترخوان تي سوين دوست مانيون کائيندا آهن. هي کلڻو ۽ ملڻو ماڻهو سوين تڪليفن جي باوجود کلندي نظر ايندو ۽ ڀاڪرن ۾ ڀري استقبال ڪندو آهي. ڪڏهن ڪڏهن ڪچهري لڳندي آهي ته دوست سندس ڪچهري مان ڏاڍو حض حاصل ڪندا آهن. ڪچهري ۾ ٻين ڳالهين سان هو ڏاڍي مزي سان پنهنجن وڏڙن جون نصيحت ڀريون ڳالهيون ءٌ مزيدار قصا به ٻڌائيندو آهي.
