کنڊ بحران ڪميشن جي درخواست تي ڪابينا غور ڪندي: شهزاد اڪبر
احتساب ۽ گهرو معاملن بابت وزيراعظم جي خاص مددگار شهزاد اڪبر چيو آهي ته کنڊ ڪميشن جي درخواست تي وفاقي ڪابينا اڱاري تي غور ڪندي. هڪ بيان ۾ هن چيو ته کنڊ تي ٺاهيل جاچ ڪميشن جي فارنزڪ رپورٽ 25 اپريل تي اچڻي هئي، ڪميشن رپورٽ جمع ڪرائڻ لاءِ ٽن هفتن جي مهلت گهري آهي، جنهن تي وفاقي ڪابينا ايندڙ اجلاس ۾ غور ڪندي. واضح رهي ته کنڊ ڪميشن جي چيئرمين ۽ ڊي جي ايف آءِ اي واحد ضياءُ جمعي تي حڪومت سان رابطو ڪري درخواست ڪئي هئي ته ڪميشن کي ڪم مڪمل ڪرڻ لاءِ وڌيڪ ٽي هفتا ڏنا وڃن، ڪميشن درخواست ۾ چيو هو ته مبينا طور تي نه پر ڪورونا سبب دير ٿي رهي آهي، پر تعاون نه ٿيڻ وارا مسئلا به سامهون آهن
