غير قانوني طريقي سان اٽلي ويندڙ پاڪستانين سان حادثو

اٽلي ويجهو ٻيڙي اونڌي ٿيڻ سبب 28 پاڪستانين سميت 59 ڄڻا ٻڏي فوت ٿي ويا آهن، جنهن ۾ 12 معصوم ٻارڙا به شامل آهن. اٽلي جي اختيارين جو چوڻ آهي ته ريسڪيو آپريشن دوران 81 ڄڻن کي بچايو ويو آهي، اطلاعن موجب ٻيڙي ۾ پاڪستانين سميت 200 ماڻهو سوار هئا ۽ ٻيڙي اونڌي ٿيڻ کانپوءِ 30 ڄڻا اڃا به گم آهن، حادثي جو شڪار ٿيل ٻيڙي ترڪيه کان غيرقانوني طور اٽلي ۾ داخل ٿي رهي هئي. وزيراعظم شهباز شريف پاران ٻيڙي جي حادثي تي ڏک جو اظهار ڪيو ويو.