خوشيءَ جو عالمي ڏينهن

ليکڪا: نصرت سڪندر
خوشيون ورهايو، خوش رهو۔
20 مارچ تي گڏيل قومن پاران خوشيءَ جو عالمي ڏينهن ملهايو وڃي ٿو. خوشي هڪ بنيادي انساني مقصد آهي. خوشي انسان جو بنيادي حق پڻ آهي.
گڏيل قومن پاران ملهائجندڙ خوشيءَ جي عالمي ڏينهن، تي اچو ته ان ڳالھه تي غور ڪرڻ لاءِ ڪجهه لمحا ڪڍون، جيڪي واقعا اسان جي زندگين ۾ خوشي لاءِ ڀرپور موقعو فراهم ڪرڻ ۾ مدد ڪن. جيتوڻيڪ اسان روزمره دونهاٽيل دنيا ۾ ساھه کڻي رهيا آهيون چوگرد خوشحاليءَ جو باغيچو بي رنگ ٿيندو پيو وڃي، اهڙي تڪليف ۾، اهو ياد رکڻ ضروري آهي ته حقيقي خوشي هجي يا مادي يا خارجي ڪاميابين مان نه ايندي آهي، ان جو تعلق اسان اندر جي موسم سان آهي. اهو سڀ اندر مان ڦٽي ٿو، ميسارجندڙ اخلاقي قدر، شڪرگذاري، ميل جول، غذائيت سان ڀرپور کاڌا اڻ لڀ ٿي چڪا آهن. ڪنهن به اداري ۾ ڪم ڪندڙ ن کي بونس ۽ شاباس ته ٺهيو پورو اجورو ملي ته به چڱو۔، اهڙا عمل خوشيءَ جي احساسن کي وڌائڻ لاءِ ضروري آهن.
اسان جي زندگين ۾ خوشيءَ کي فروغ ڏيڻ جا ڪيئي طريقا آهن جنهن سان روزانو جي بنياد تي ننڍا وڏا اهڙا عمل جنهن سان حوصلا افزائي، نئين ڪمن لاءِ آمادگي ۽ پيار، رشتن کي مان ڏئي مضبوط بڻائي محبت واري هارمونز کي رليز ڪرائي سگهجي ٿو. زڪوات خيرات، رضاڪارانه، فلاحي ڪم ڪنهن ضرورتمند دوست جي مدد ڪرڻ، يا ڪنهن اجنبي کي مسڪراهٽ جي موٽ ڏيڻ، شڪرگذاري، هڪ ٻئي کي غور سان ٻڌڻ ۽ توجهه ڏيڻ جهڙي عمل کي پکيڙڻ سان نه رڳو ٻين کي فائدو ۽ خوشي ملي ٿي، پر اسان پنهنجي خوشي کي حقيقي معنيٰ ۾ روح تائين رسائي محسوس ڪري سگهون ٿا. سخاوت جو عمل پڻ خوشيءَ ۽ اطمينان جي سطح کي وڌائي ٿو، انهي سان گڏ اسان جي مجموعي ذهني صحت کي بهتر بڻائي ٿو. خوشيءَ لاءِ هڪ ٻيو اهم جزو ٻين سان مضبوط رشتن ۽ رابطن کي فروغ ڏيڻ آهي. پيارن لاءِ وقت ڪڍڻ، ڇونه اهو فون ڪال ذريعي ئي هجي مهمان نوازي سان اسان جي خوشحالي جي احساس کي خاص طور تي وڌائي سگھي ٿو. تحقيق ثابت ڪيو آهي ته سماجي رابطا اسان جي ذهني ۽ جذباتي صحت لاءِ اهم آهن، ۽ هڪ مضبوط سپورٽ سسٽم هجڻ سان اسان کي زندگي جي چئلينجن کي وڌيڪ لچڪ ۽ مثبت طريقي سان حل ڪرڻ ۾ مدد ملي سگهي ٿي. هر انسان لاءِ زندگيءَ ۾ معنيٰ ۽ مقصد کي ڳولڻ تمام ضروري آهي. پائدار ۽ مستقل خوشيءَ لاءِ اهو ئي سڀ ڪجهه اهم آهي ۽ اهو جذبن جي تعاقب جي ذريعي ممڪن آهي، رضاڪارانه طور تي هڪ مقصد لاءِ جيڪو اسان جي سوچ آهي، يا بامعنيٰ مقصدن کي ترتيب ڏيڻ، اهڙن مقصدن جو احساس اسان کي صبح جو بستري مان نڪرڻ جو هڪ سبب ڏئي اصل ڪاميابي ۽ خوشيءَ جي راھه ڏانهن روانو ڪري ٿو ۽ زندگي ۾ اسان کي مجموعي طور تي اطمينان حاصل ٿئي ٿو . اسان جي عملن کي اسان جي قدرن ۽ عقيدن سان ترتيب ڏيڻ سان، اسان هڪ وڌيڪ بامعنيٰ ۽ مڪمل وجود ٺاهي سگهون ٿا. خوشي جي هن عالمي ڏينهن تي، اچو ته انهن شين کي اوليت ڏيڻ جو عزم ڪريون جيڪي واقعي اسان جي زندگين ۾ خوشيون آڻين. رحمدليءَ جي مشق ڪرڻ، رشتن کي پالڻ ۽ مقصد ڳولڻ سان، اسان خوشيءَ ۽ پوري ٿيڻ جو هڪ گهرو احساس پيدا ڪري سگهون ٿا جنهن کي اسان کي ڊگهي عرصي تائين برقرار رکڻو آهي. ياد رکڻ گهرجي ته خوشيءَ جي منزل نه آهي، پر هڪ سفر آهي جنهن کي هر روز تئه ڪرڻو آهي.
خوشي صحتمند قومن جي ضمانت آهي، جنهن سان معاشي ترقي تي پڻ گهرو اثر پوي ٿو.