انٽرنيشنل ڊي آف دا گرل چائيلڊ
2012 کان 11 آڪٽوبر کي گڏيل قومن طرفان “انٽرنيشنل ڊي آف دا گرل چائيلڊ” طور ملهايو پيو وڃي. اولاد کي نياڻي يا پٽ جي بنياد تي ورهائڻ نه گهرجي، هنن ڏهاڙن ملهائڻ جو مقصد صرف اهو هوندو آهي ته ڪمزور ڌرين کي طاقت پهچائي معاشري ۾ صحيح مقام عطا ڪيو وڃي. اڄ اسان سڀني کي پنهنجين نياڻين سان پيار جو ورجاءُ ڪرڻ گهرجي، سندن بهتر مستقبل لاءِ رٿابنديءَ لاءِ سوچڻ گهرجي. سندن زندگيءَ جي وڏن وڏن فيصلن ۾ سندن مرضيءَ کي اهميت ڏيڻ لاءِ قدم اڳتي وڌائڻ گهرجي ۽ کين اهو احساس ۽ آٿت ڏيڻ گهرجي ته هو پٽن کان گهٽ ناهن. سندن تربيت تي وڌيڪ ڌيان ڏيئي سندن مستقبل جون واڳون سندن پنهنجن هٿن ۾ ڏيڻ جو عزم ڪرڻ گهرجي.
