جڊيشل ڪميشن پاران ڇهن هفتن اندر آر. او پلانٽن جي مرمت جون هدايتون

سپريم ڪورٽ پاڪستان پاران پاڻيءَ جي معيار، پاڻيءَ جي نيڪالي جي مسئلي تي جوڙيل جڊيشل ڪميشن سنڌ ايريگيشن ڊپارٽمينٽ کي هدايتون ڏنيون آهن ته منڇر ڍنڍ ۽ ان جي پسگردائيءَ ۾ آر. او پلانٽن جي ڇهن هفتن اندر مرمت ڪرائي منڇر جي مهاڻن کي پيش ايندڙ مسئلن کي جلد حل ڪيو وڃي. ڪميشن ڄاڻايو ته سيد مراد علي شاهه جي پنهنجي علائقي جو صرف هڪ آر. او پلانٽ ڪم ڪري رهيو آهي. ڪميشن جي اڳواڻ رٽائرڊ جسٽس امير هاني ڪميشن جي رجسٽرار غلام مصطفيٰ چنا ۽ ٻين آفيسرن سان گڏجي 39 آر. او پلانٽن جو دورو ڪيو جنهن مان سڀئي 2017 کان غير فعال آهن. سپريم ڪورٽ مارچ 2017 ۾ هڪ حڪم جاري ڪيو هو ته اهي آر. او پلانٽ پبلڪ هيلٿ انجنيئرنگ ڊپارٽمينٽ سنڌ حوالي ڪيا وڃن پر سنڌ حڪومت انهن 39 پلانٽن سوڌو ٻين به ڪيترن ئي آر. او پلانٽن کي اسپيشل انيشيئٽوز ڊپارٽمينٽ (SID) جي حوالي ڪيو، جيڪي اڄ ڏينهن تائين غير فعال آهن.  

Leave a Reply

Your email address will not be published. Required fields are marked *