پي ٽي آءِ جي ايم اين ايز کي ڊي نوٽيفاءِ ڪرڻ وارو حڪم معطل

لاهور هاءِ ڪورٽ تحريڪ انصاف جي 43 ايم اين ايز کي ڊي نوٽيفاءِ ڪرڻ وارو اليڪشن ڪميشن جو حڪم  معطل ڪري ڇڏيو آهي، نئون حڪم اچڻ تائين خالي قرار ڏنل تڪن تي ننڍي چونڊ روڪڻ جو به حڪم ڏنو ويو آهي. لاهور هاءِ ڪورٽ جي جسٽس شاهد ڪريم تحريڪ انصاف جي رياض فتيانه سميت 43 ميمبرن جون استعيفائون منظور ڪرڻ خلاف درخواست جي ٻڌڻي هلائي. پي ٽي آءِ جي وڪيل علي ظفر چيو ته استعيفائون منظور ڪرڻ لاءِ قانوني گهرجون پوريون نه ڪيون ويون.