ليفٽيننٽ (ر) عاصم سليم باجوه اطلاعات جو خاص معاون مقرر
فردوس عاشق اعواڻ کان سڌ سماءَ بابت وزيراعظم جي خاص معاون وارو عهدو کسجي ويو. وفاقي حڪومت سندس جاءِ تي ليفٽيننٽ جنرل (ر) عاصم سليم باجوه کي خاص مددگار ۽ شبلي فراز کي سڌ سماءَ جو وزير مقرر ڪري ڇڏيو آهي. سائنس اينڊ ٽيڪنالاجي واري وفاقي وزير فواد چوڌري ٻڌايو ته سينيٽ ۾ قائد ايوان شبلي فراز کي اطلاعات ۽ نشريات وارو وفاقي وزير بڻايو ويو آهي. جڏهن ته پاڪ فوج جي اڳوڻي ترجمان ليفٽيننٽ جنرل (ر) عاصم سليم باجوه کي اطلاعات بابت خاص مددگار مقرر ڪيو ويو آهي. واضح رهي ته عاصم سليم باجوه هن وقت پاڪ چين اقتصادي راهداري (سي پيڪ) اٿارٽي چيئرمين جي عهدي تي پڻ ڪم ڪري رهيو آهي، اڄ صبح جو شبلي فراز پنهنجي عهدي جو حلف کڻي ورتو
