28 جولاءِ تي پاڪستان سميت پوري دنيا ۾ چنڊ گرهڻ ٿيندو
موسميات کاتي جو چوڻ آهي ته 28 جولاءِ تي سڄي ملڪ اندر چنڊ گرهڻ ٿيندو جيڪو رات جو ساڍي ٻارهين وڳي نظر ايندو. چنڊ گرهڻ پاڪستان سميت مختلف ملڪن ۾ به نظر ايندو. جنهن ۾ يورپ، ايشيا، آسٽريليا ۽ آفريڪا جا ملڪ شامل آهن. واضح رهي ته چنڊ گرهڻ دوران چنڊ جو پاڇو زمين تي پئجي رهيو هوندو آهي. جيئن ته چنڊ ۽ زمين کي پنهنجي روشني نه هوندي آهي پر اهي ٻئي سج جي روشني کڻندا آهن. جڏهن ڌرتي ڪنهن خاص وقت تي سج ۽ چنڊ جي وچ ۾ اچي ويندي آهي ته ان کي چنڊ گرهڻ چيو ويندو آهي ۽ جڏهن چنڊ زمين ۽ سج جي وچ ۾ اچي ويندو آهي ته ان کي سج گرهڻ چيو ويندو آهي.
