دنيا جي تيز رفتار خورد بيني تيار
آمريڪا جي ڪولمبيا يونيورسٽيءَ پاران انقلابي ٿري ڊي خورد بيني تيار ڪئي وئي آهي، جنهن کي دنيا جي تيز رفتار خورد بيني چيو پيو وڃي. هن نئين ايجاد سان جينيات، دل جي مرضن حياتياتي تحقيق ۽ نيورو سائنس ۾ انقلاب اچي ويندو. هن ذريعي دماغ جي نيورون جي فائرنگ جو به جائزو وٺي سگهجي ٿو. هن خورد بيني کي تيار ڪندڙ ماهرن چيو آهي ته هن خورد بيني سان حياتياتي نظام جو جائزو وٺي سگهجي ٿو. هن کان اڳ ۾ ليزر ذريعي به مائڪرو اسڪوپ ليول تي تصويرون ورتيون وينديون هيون پر اهو عمل تمام سست هوندو آهي.
