پشاور ۾ 15 ڪلاڪن کان دهشتگردن خلاف آپريشن جاري

پشاور پوليس دهشتگردن جي موجودگي جي خفيه اطلاع ملڻ تي هڪ گهر تي چڙهائي ڪئي ته مقابلو شروع ٿي ويو. فائرنگ جي ڏي وٺ ۾ هن وقت تائين هڪ پوليس اهلڪار شهيد ۽ 5 دهشتگرد مارجي چڪا آهن. دهشتگردن خلاف آپريشن ۾ پوليس کي سيڪيورٽي فروسز جي مدد به ملي وئي آهي. گهر جا هيٺيان ٻه حصا خالي ڪرايا ويا آهن. جڏهن ته مٿئين حصي ۾ اڃان به دهشتگرد موجود آهن. پوليس ۽ سيڪيورٽي فورسز پاران علائقي کي گهيري ۾ ورتو ويو آهي. جڏهن ته پوليس جا اعليٰ عملدار آپريشن زون ۾ موجود آهن. خيبر پختونخواهه جي اطلاعات واري وزير شوڪت يوسف زئي جو چوڻ آهي ته حيات آباد فيز-7 جي هڪ گهر ۾ دهشتگردن جي موجودگي جي اطلاع ملي ته گهر اندر 6 کان 7 دهشتگرد موجود آهن جنهن بعد پوليس جي پهچڻ تي گهر مان فائرنگ شروع ٿي وئي جوابي فائرنگ ڪرڻ تي دهشتگردن 3 راڪيٽ لانچر فائر ڪيا ويا. جنهن جي جواب ۾ آر پي جي سيون فائر ڪيو ويو، تازين خبرن مطابق حملو اڃان به جاري آهي.

 

Operation against Terrorists goes into 15th hour

Leave a Reply

Your email address will not be published. Required fields are marked *