سنڌ جو عوام نگران حڪومت جي ڪري ڏکيائين کي منهن ڏئي رهيو آهي: سنڌ جو اڳوڻو وڏو وزير مراد علي شاهه

سنڌ جو عوام نگران حڪومت جي ڪري ڏکيائين کي منهن ڏئي رهيو آهي، نگران حڪومت جو مدو وڌيو ته مسئلا پيدا ٿيندا، اليڪشن جي تاريخ جو اعلان نه ٿيڻ سبب عوام ۾ بي چيني پکڙيل آهي: سنڌ جي اڳوڻي وڏي وزير مراد علي شاهه جون اسلام آباد جي احتساب عدالت ٻاهران ڳالهيون. مراد علي شاهه چيو ته جنوري جي آخر تائين اليڪشن جي تاريخ ڏني وڃي ته بي چيني ختم ٿي ويندي. نواز شريف کي وطن واپسي تي مليل رعايتن تي ڪيترائي سوال اٿي رهيا آهن. سنڌ ۾ ٻوڏ متاثرن لاءِ 21 لک گهر ٺهرائي رهيا آهيون، 4 لک گهر ٺهي چڪا آهن. مراد علي شاهه نوري آباد پاور پلانٽ ڪيس ۾ اسلام آباد جي احتساب عدالت آڏو پيش ٿيو.