فريال ٽالپر کي هٽائڻ لاءِ اليڪشن  ڪميشن ۾ درخواست جمع

پي ٽي آءِ جي اڳواڻ حليم عادل شيخ اليڪشن ڪميشن ۾ فريال ٽالپر کي هٽائڻ جي درخواست جمع ڪرائي ڇڏي آهي. آرٽيڪل 62 تحت جمع ڪرايل درخواست ۾ موقف اختيار ڪيو ويو آهي ته فريال ٽالپر صادق ۽ امين نه آهي ڇاڪاڻ ته هن پنهنجي اثاثن جي تفصيل لڪائي آهي. فريال ٽالپر جون لاڙڪاڻي ۾ ڪجهه ملڪيتون آهن جنهن کي هن اليڪشن ڪميشن آڏو ظاهر نه ڪيو آهي. ان کان علاوه هوءَ مني لانڊرنگ ۾ به ملوث رهي آهي. ان ڪري هوءَ سنڌ اسيمبليءَ جي ميمبر ٿيڻ لائق نه آهي. اليڪشن ڪميشن جي آفيس ٻاهران صحافين سان ڳالهائيندي حليم عادل شيخ چيو ته فريال ٽالپر جي ملڪيت ظاهر ٿيڻ بعد هيءَ درخواست جمع ڪرائي وئي آهي.