عمران خان جي ڪوشش آهي ته پاڪستان ڊفالٽ ٿي وڃي: رانا ثناءُالله
وفاقي وزير داخلا رانا ثناءُالله جو چوڻ آهي ته عمران خان ڪوشش ڪري رهيو آهي ته پاڪستان سياسي عدم استحڪام جو شڪار ٿي ڊفالٽ ٿي وڃي. سندس چوڻ هو ته چونڊن جو وقت پاڪستان جي آئين ۾ مقرر آهي، آئين مطابق چونڊون ڪرايون وينديون. هن وڌيڪ چيو ته اسان کي آمريڪي ڊالر کي آزاد ڪرڻ ۽ پيٽروليم مصنوعات جون قيمتون وڌائڻ جو شوق نه آهي. سندس اهو پڻ چوڻ هو ته پي ٽي آئي، آئي ايم ايف سان ڪيل معاهدي تان ڦري وئي هئي.
