سپريم ڪورٽ جلد بازي ۾ فيصلو ڪيو: وزير اعليٰ سنڌ
وزيراعليٰ سنڌ مراد علي شاهه چيو آهي ته سپريم ڪورٽ جلدبازي ۾ فيصلو ڪيو، جڏهن جج هن فيصلي مان متفق ناهن ته عوام ڪيئن ٿي سگهي ٿي. ميڊيا سان ڳالهائندي مراد علي شاهه چيو ته جن ججن انڪار ڪيو انهن کان علاوه فل ڪورٽ ٺاهيو، اليڪشن ائين نه ٿين جو 2018 واري صورتحال ٿئي، اليڪشن ضرور ٿيڻ گهرجن، اليڪشن جو فيصلو اليڪشن ڪميشن تي ڇڏڻ گهرجي، هن چيو ته آئين ۾ هر اداري جي اختيارن ۽ حدن جو تعين ڪيو ويو آهي، ادارا پنهنجي حدن ۾ ڪم ڪندا ته حالتن ۾ بهتري ايندي، اليڪشن تڏهن ٿيندا جڏهن اليڪشن ڪميشن چاهيندو.
