عالمگير ترين جي موت جا سبب ڄاڻائڻ واري فارنزڪ رپورٽ سامهون اچي وئي

استحڪام پارٽي جي سربراهه جهانگير ترين جي ڀاءُ ۽ پاڪستان سپر ليگ جي ٽيم ملتان سلطان جي مالڪ عالمگير ترين جي موت جا سبب ڄاڻڻ لاءِ ڪئي ويندڙ فارنزڪ رپورٽ سامهون اچي وئي. هن رپورٽ مطابق ٻڌايو ويو آهي ته عالمگير ترين جو موت بظاهر خودڪشي معلوم ٿئي ٿو. رپورٽ ۾ اهو ڄاڻايو ويو آهي ته سندس موت جو ٻيو ڪوبه سبب في الحال سامهون نه اچي سگهيو آهي. ياد رهي ته هو 7 جولاءِ 2023 تي پنهنجي گهر ۾ مرده حالت ۾ مليو هو.جاءِ وقوعه تان هڪ پستول ۽ هڪ خط به مليو هو جنهن کي فارنزڪ لاءِ اماڻيو ويو.