روزانو مشروبات پيئندڙ عورتون جگر جي ڪينسر ۾ وڌيڪ مبتلا ٿين ٿيون
هڪ تحقيق ۾ ٻڌايو ويو آهي ته اهي عورتون جيڪي روزاني کنڊ سان ڀرپور سوڊا مشروبات پيئن ٿيون، انهن جي جگر جي سرطان ۾ مبتلا ٿيڻ جا امڪان وڌيڪ هوندا آهن.
آمريڪي شهر بوسٽن ۾ قائم هارورڊ ميڊيڪل اسڪول سان تعلق رکندڙ محققن جي هڪ ٽيم 50 سال کان وڌيڪ عمر جي تقريبن 1 لک عورتن جو 20 سالن تائين معائنو ڪيو. تحقيق ۾ معلوم ٿيو ته اهي عورتون جيڪي روزانو هڪ يا هڪ کان وڌيڪ کنڊ مان ٺهيل شربت پيئن ٿيون، انهن جي جگر جي سرطان ۾ مبتلا ٿيڻ جا امڪان هفتي ۾ هڪ ڀيرو شربت پيئڻ وارن جي مقابلي ۾ 85 سيڪڙو وڌيڪ آهي.
