مسلم ليگ ن جي مرڪزي اڳواڻ ۽ اڳوڻي اسپيڪر قومي اسيمبلي سردار اياز صادق چيو آهي ته گڏيل اپوزيشن نيب چيئرمين جي مدي ۾ واڌ جي حمايت نه ڪندي. اياز صادق چيو ته گڏيل اپوزيشن ڊپٽي چيئرمين ۽ پراسيڪيوٽر جنرل نيب جي مدي ۾ واڌ جي تجويز قبول نه ڪئي. هن چيو ته نيب ايڪٽ ۾ تجويز ڪيل ترميمي مسودي ۾ چيئرمين نيب، ڊپٽي چيئرمين نيب ۽ پراسيڪيوٽر جنرل نيب جي مدي ۾ واڌ ڪرڻ جي شق شامل آهي. ن ليگ اڳواڻ چيو ته اهو مسودو غور لاءِ حڪومتي ڪميٽي اپوزيشن جي حوالي ڪيو ويو، نيب قانون کي تبديل ڪرڻ لاءِ حڪومت ۽ اپوزيشن جو هڪ اجلاس اڄ شام جو ٿيندو. ياد رهي ته ٻه ڏينهن اڳ پرڏيهي وزير شاهه محمود قريشي به پنهنجي بيان ۾ چيو هو ته حڪومت نيب ضابطن کي تبديل ڪرڻ لاءِ تيار آهي.
Post Views: 679
