کيرٿر ۾ آئي بيڪس جي موت ۾ مسلسل اضافو
ڪراچي سان لڳولڳ کيرٿر نيشنل پارڪ ۾ آئي بيڪس جي موت ۾ مسلسل اضافو ٿي رهيو آهي. خبرن مطابق گذريل ڏينهن 4 وڌيڪ آئي بيڪس مرده حالت ۾ مليا، جڏهن ته 9 آئي بيڪس متاثر نظر آيا آهن، مئل آئي بيڪس مان بيماري پکڙجڻ جو خطرو آهي. اطلاعن موجب مرده آئي بيڪس کي ساڙيو به وڃي پيو ته دفنايو به وڃي پيو ۽ جتان اهي پاڻي پيئن ٿا، انهن جاين کي به صاف ڪرڻ جي ڪوشش ڪئي پئي وڃي. جن پاڻي جي دٻن مان آئي بيڪس مرده حالت ۾ مليا آهن، انهن کي بند ڪيو پيو وڃي.
