بلاول ڀيڻ بختاور جي مڱڻي ۾ شرڪت نه ڪري سگهندو
ڪراچي پ پ چيئرمين بلاول ڀٽو زرداري ڪورونا وائرس ۾ مبتلا ٿيڻ کانپوءِ قرنطينه ۾ آهي، جنهن سبب هو پنهنجي ڀيڻ جي مڱڻي تقريب ۾ شرڪت نه ڪري سگهندو.
بختاور ڀٽو زرداري جي مڱڻي سڀاڻي بلاول هائوس ۾ رٿيل آهي پر ڪورونا وائرس سبب مڱڻي تقريب جون تياريون ٿڌيون ٿي ويون آهن، ڇو ته ڪورونا وائرس سبب بلاول ڀٽو زرداري به ڀيڻ جي مڱڻي تقريب ۾ شرڪت نه ڪري سگهندو، هو گهر جي مخصوص حصي ۾ قرنطينه ۾ آهي.
هوڏانهن اڳوڻو صدر آصف علي زرداري به نجي اسپتال ۾ علاج هيٺ آهي ۽ مڱڻي تقريب ۾ رڳو ڪجهه وقت لاءِ شرڪت ڪندو.
ذريعن موجب مڱڻي تقريب ۾ رڳو مخصوص ماڻهو شرڪت ڪندا ۽ ٻنهي خاندانن جا ماڻهو شريڪ ٿيندا.
