وزيراعظم عمران خان ملڪ ۾ ڪورونا ويڪسينيشن مهم جو آغاز ڪري ڇڏيو

وزيراعظم عمران خان ملڪ ۾ ڪورونا ويڪسينيشن مهم جو آغاز ڪري ڇڏيو. ان موقعي تي پنهنجي بيان ۾ وزيراعظم چيو ته چين 5 لک ويڪسين فراهم ڪيون آهن، ويڪسين سڀني صوبن ۾ شفاف طريقي سان تقسيم ٿي رهيون آهن، سڀ کان پهرين فرنٽ لائن ورڪرز کي ويڪسين لڳائي پئي وڃي. وزيراعظم عمران خان چيو ته الله تعاليٰ ٻين ملڪن جي مقابلي ۾ پاڪستان تي ڪرم ڪيو آهي، اسان کي شڪر ادا ڪرڻ گهرجي، جڏهن ته ايس او پيز تي عمل ڪرڻ گهرجي، ڪورونا ڪيسز ۾ گهٽتائي اچي رهي آهي. وزيراعظم چيو ته ڪورونا ويڪسين بغير ڪنهن فرق جي لڳائي ويندي، ويڪسين جي لاءِ ترجيحات مقرر ڪري ڇڏيون آهن، ڪورونا اڃان ختم ناهي ٿيو، احتياط جي ضرورت آهي.