پنجاب اسيمبلي ۾ اپوزيشن اڳواڻ حمزه شهباز ڪوٽ لکپت جيل مان آزاد
پنجاب اسميبلي ۾ اپوزيشن اڳواڻ حمزه شهباز کي ڪوٽ لکپت جيل مان آزاد ڪيو ويو آهي. ان کان اڳ احتساب عدالت آمدني کان وڌيڪ اثاثن واري ڪيس ۾ حمزه شهباز جي آزادي جا نوٽيس جاري ڪيا. احتساب عدالت ۾ ڊيوٽي جج اڪمل خان جي آڏو حمزه شهباز جا ضمانتي مچلڪا جمع ڪرايا ويا. مچلڪا ادريس ڀٽي ۽ عديل طرفان جمع ڪرايا ويا جڏهن ته چوڌري مسعود اختر ضمانتي جي طور تي پيش ٿيو. عدالت قرار ڏنو ته لاهور هاءِ ڪورٽ حمزه شهباز جي ضمانت منظور ڪئي.
