شفقت محمود 15 جون کانپوءِ بورڊ جي امتحانن جو اعلان ڪري ڇڏيو
تعليم واري وفاقي وزير شفقت محمود جو چوڻ آهي ته 15 جون کانپوءِ بورڊ جا امتحان شروع ڪرڻ جو اصولي فيصلو ڪري ڇڏيو آهي. هڪ بيان ۾ شفقت محمود جو چوڻ هو ته گذريل ڏينهن ٿيندڙ بين الصوبائي وزيرن جي تعليم ڪانفرنس ۾ فيصلو ڪيو ويو آهي ته بورڊ جا امتحان 15 جون کانپوءِ شروع ٿيندا. شفقت محمود جو چوڻ هو ته 15 جون کانپوءِ ٻارهين ۽ ڏهين جماعت جا امتحان ترجيحي بنياد تي ٿيندا، جڏهن ته يارهين ۽ نائين جماعت جا امتحان بعد ۾ شروع ٿيندا. هن جو چوڻ هو ته انٽرميڊئيٽ ۽ مئٽرڪ جي امتحانن کي ترجيح ڏني ويندي جيئن ڪاليجن ۽ يونيورسٽين ۾ داخلا کان پهرين انهن جا نتيجا اچي سگهن.
