ڪي پي او حملي جي جاچ تيز، ڪراچي جي افغان بستي مان 3 شڪي جوابدار گرفتار
ڪراچي ۾ پوليس آفيس تي حملي جي سهولتڪارن جي گرفتاري لاءِ ڪارروائيون جاري آهن، ڪراچي جي افغان بستي ۾ قانون لاڳو ڪندڙ ادارن هڪ گهر تي ڇاپو هنيو، 3 شڪي جوابدارن کي گرفتار ڪيو ويو، پڇا ڳاڇا لاءِ اڻڄاتل هنڌ منتقل ڪيو ويو. جاچ ڪندڙ ادارن جي اهلڪارن طرفان ڪراچي ۽ ڄامشورو جي مختلف علائقن ۾ به ڇاپا جاري آهن، هيل تائين 10 کان وڌيڪ شڪي ماڻهن کي حراست ۾ ورتو ويو. ڪراچي پوليس آفيس تي حملي ۾ ٽن پوليس اهلڪارن ۽ هڪ رينجرز جي سب انسپيڪٽر سميت 5 ڄڻا شهيد ۽ 20 کان وڌيڪ زخمي ٿيا هئا، حملو ڪندڙ ٽئي دهشتگرد مارجي ويا هئا.
