مطالعو يا باغباني زندگيءَ مان ڊپريشن کي گهٽ ڪري سگهن ٿا: تحقيق

هڪ تحقيق مان معلوم ٿيو آهي ته مطالعو يا باغباني يا ٻيو ڪو مشغلو وڏي عمر ۾ ڊپريشن کان بچائي سگهن ٿا ۽ ذهني صحت بهتر رکڻ ۾ مدد ڏئي سگهن ٿا. مطالعي ۾ محققن آمريڪا، چين ۽ جاپان سوڌو 13 يورپي ملڪن سان تعلق رکڻ وارن 65 سالن کان وڌيڪ عمر جي 93 هزار 263 ماڻهن جو سروي ڪيو. ان سروي ۾ 4000 کان وڌيڪ برطانوي ماڻهن به حصو ورتو، جن کان پڇيو ويو ته ڇا ماضيءَ ۾ انهن جو ڪو مشغلو هو يا هنن جو هن وقت ڪو مشغلو آهي. 78 سيڪڙو ماڻهو جن جو ڪو نه ڪو مشغلو هو اهي پنهنجي زندگيءَ ۾ وڌيڪ مطمئن هئا ۽ انهن کي پنهنجي زندگي جي بهتر هجڻ جو احساس هو ۽ جن ماڻهن جو ڪو مشغلو نه هو ان جي ڀيٽ ۾ مشغلي رکندڙ ماڻهو وڌيڪ خوش ۽ مطمئن زندگي گهاري رهيا آهن.