هائوسنگ رٿائن ۾ 90 سيڪڙو ٽيڪس ڇوٽ، سيڙپڪاري تي آمدني جا ذريعا نه پڇيا ويندا

وفاقي ڪابينا تعميراتي صنعت لاءِ آرڊيننس جي منظوري ڏيئي ڇڏي آهي. جنهن تحت بلڊرز ۽ لينڊ ڊولپرز کي خاص ٽيڪس مراعتون ڏنيون وينديون. اڏاوتي منصوبن ۾ سيڙپڪاري تي آمدن جا ذريعا نه پڇيا ويندا. نيا پاڪستان هائوسنگ اٿارٽي جي گهٽ خرچ وارن گهرن لاءِ ٽيڪس کي 90 سيڪڙو تائين گهٽ ڪيو ويو آهي. آرڊيننس تحت بلڊرز ۽ لينڊ ڊولپرز کي اها سيڙپڪاري 31 ڊسمبر تائين بينڪ اڪائونٽس ۾ جمع ڪرائڻي پوندي، پر بلڊرز ۽ لينڊ ڊولپرز سيڙپڪاري کي بينڪ اڪائونٽن مان ڪڍڻ جا مجاز هوندا ۽ ان کي اڏاوتي منصوبن ۾  استعمال ڪندا. بلڊر ۽ لينڊ ڊولپر ان سيڙپ کي 30 سيپٽمبر 2022 تائين ڪراس چيڪ ذريعي استعمال ڪري سگهندا. جڏهن ته آرڊيننس تحت بلڊرن ۽ لينڊ ڊولپرن کي انڪم ٽيڪس ۽ ڪيپيٽل گين ٽيڪس جي ڇوٽ حاصل هوندي. آرڊيننس سيپٽمبر 2022 تائين مڪمل ٿيندڙ منصوبن تي لاڳو هوندو