شاهد خاقان ۽ احسن اقبال کانپوءِ شهباز شريف جو به ڪورونا ٽيسٽ پازيٽو اچي ويو

اڳوڻي وزيراعظم شاهد خاقان عباسي ۽ اڳوڻي گهرو وزير احسن اقبال کان پوءِ مسلم ليگ(ن) جي صدر شهباز شريف جو ڪورونا ٽيسٽ پازيٽو اچي ويو آهي. مسلم ليگ (ن) جي ترجمان مريم اورنگزيب ٻڌايو ته شهباز شريف ڊاڪٽرن جي هدايتن تي هلي رهيو آهي ۽ هو هر ڀيري ڪورونا جي ٽيسٽ ڪرائي رهيو آهي. مريم اورنگزيب ٻڌايو ته شهباز شريف جو ڪورونا ٽيسٽ جو نتيجو پازيٽو اچي ويو آهي. ياد رهي ته ان کان اڳ مسلم ليگ(ن) جي مرڪزي اڳواڻ شاهد خاقان عباسي، احسن اقبال، طارق فضل چوڌري ۽ مريم اورنگزيب جي والده جو ٽيسٽ به پازيٽو اچي چڪو آهي.