الزائمر جي مرض جي ساڍا ٽي سال اڳواٽ ئي تشخيص ممڪن ٿي وئي: تحقيق

نئين تحقيق مطابق هڪ ٽيسٽ ذريعي ساڍا ٽي سال پهرين الزائمر (يادداشت ۾ گهٽتائي) جي مرض جي تشخيص ٿي سگهي ٿي. هيءَ ريسرچ ڪنگز ڪاليج آف لنڊن جي سائيڪاٽري ڊپارٽمينٽ ڪئي آهي، جنهن مطابق رت جا نمونا کڻي اهڙو ٽيسٽ تيار ڪيو ويو آهي، جيڪو الزائمر جي خطري جي نشاندهي ڪري سگهي ٿو. تحقيق ۾ ٻڌايو ويو آهي ته رت جا ذرڙا دماغي خلين جي بناوٽ تي اثرانداز ٿي سگهن ٿا. الزائمر نون دماغي خلين جي ٺهڻ جي عمل کي متاثر ڪندو آهي، تحقيق ۾ 56 ماڻهن جي رت جا نمونا ورتا ويا هئا.