آمريڪا، پاڪستان تي پابنديون نٿو لڳائي سگهي

آمريڪا جي اسٽيٽ ڊپارٽمينٽ چيو آهي ته پاڪستان پاران دهشتگردن جو پنهنجي ڌرتيءَ تي موجودگيءَ جي انڪار بابت بيان تي آمريڪا جي خدشن کي رد ڪرڻ بعد به اسان پاڪستان تي پابنديون نٿا لڳائي سگهون. اهڙن خيالن جو اظهار ڪندي آمريڪا جي اسٽيٽ ڊپارٽمينٽ جي نمائندي چيو ته هوءَ ريڪس ٽلرسن جي پاڪستاني دوري تي ڪابه وڌيڪ ڳالهه نه ڪندي. هن چيو ته پاڪستان پاران سهڪار جي انڪار تي ڪابه پابندي نٿي لڳائي سگهجي. ياد رهي ته آمريڪا جي صدر جي 21 آگسٽ واري تقرير ۾ هن پاڪستان کي ڌمڪي ڏيندي چيو ته پاڪستان پنهنجي زمين تي دهشتگردن کي پناهه ڏيڻ بند ڪري يا سخت نتيجن لاءِ تيار رهي.