غذائي جنسن جي اگهن ۾ لاٿ لاءِ مختلف قدم کڻڻ جو اعلان، ذميوارن کي سزا ڏينداسين: وزيراعظم
وزيراعظم عمران خان سڀاڻي ڪابينا جي اجلاس ۾ عوام لاءِ بنيادي غذائي جنسن جي قيمتن ۾ گهٽتائي لاءِ مختلف قدم کڻڻ جو اعلان ڪندي واضح ڪيو آهي ته قوم اطمينان رکي، اٽي ۽ کنڊ جي بحران جي ذميوارن کي نه ڇڏبو ۽ سزا ڏني ويندي. وزيراعظم چيو ته مون کي انهن ڏکيائين جو احساس آهي، جنهن جو پگهاردار طبقي سميت عوام منهن ڏئي رهيو آهي. جيتوڻيڪ مون فيصلو ڪيو آهي ته ڪجهه به ٿي وڃي، منهنجي حڪومت اڱاري تي ڪابينا جي اجلاس ۾ عوام لاءِ بنيادي غذائن جي قيمتن ۾ لاٿ لاءِ مختلف قدم کڻڻ جو اعلان ڪيو آهي. ان ڏس ۾ سمورا لاڳاپيل ادارا اٽي ۽ کنڊ جي اگهن ۾ واڌ جي سببن جي جاچ جي شروعات ڪري چڪا آهن
