پاڪستانخاصنئوننيو‍‍ز

ڦر لٽ، گاڏين جي چوري جون وارداتون 40 سيڪڙو وڌي ويون

شهر ۾ ڦر لٽ، ڌاڙا، اسٽريٽ ڪرائيم،  ڪار ۽ بائيڪ لفٽنگ جون وارداتون سال 2020 ۾ ڏينهون ڏينهن وڌي رهيون آهن. سال جي پهرين مهيني ۾ سڀ کان وڌيڪ موٽرسائيڪلون چوري ۽ ڦرڻ جون يوميه 90 وارداتون رپورٽ ٿيون آهن جيڪي گذريل مهيني جي مقابلي ۾ 40 سيڪڙو کان وڌيڪ آهن. شهر ۾ ڌاڙيل راڄ قائم ٿي ويو آهي، پوليس جي نالي ماتر ڪارروائين ڏوهين جي ختم ڪرڻ جي دعويٰ جي باوجود شهر ۾ ڏوهن جي شرح خطرناڪ حد تائين وڌي وئي آهي. سٽيزن پوليس لائزن ڪاميٽي (سي پي ايل سي) هلندڙ سال جي هاڻي جاري ڪيل رپورٽ مطابق موبائل فون، ڪار ۽ موٽرسائيڪل ڦرڻ ۽ چوري جي وارداتن ۾ گذريل سال جي ڀيٽ ۾ ڳڻتي جوڳو اضافو ٿيو آهي